“Tənha”

Rejissorluğunu və sseanarisini Rüfət Şahbazovun tərtib etdiyi “Tənha” filmi Azərbaycanın kinematoqrafiyasında öz ssenarisi və çəkiliş yerlərinin gözəlliyi ilə seçilir.

Bu əsəri isə insan həyatının müxtəlif aspektlərini təmsil etmək üçün effektiv bir platforma sahibdir.
Film, ailə içi dinamikaları və gələcəkdə ola biləcəkləri müzakirə edərək izləyicilərə həm düşündürücü, həm də hissi təcrübə təqdim edir. Ümumi məzmunu,hissəli kadrajları ilə fərqlənən bu film, izləyicilərə öz həyatlarına daha dərin bir nəzər yetirmək və düşünmək imkanı verir.

Həmçinin ailədə olan ana fərdinin uşaq və ata üzərində yaratdığı təsirin nəticələrini göstərir. Belə ki, ailə içərisində hər bir üzvün öz vəzifələri var. Həyat yoldaşları bir birinin ailəsinə eyni hörmət və qayğıyla yanaşmalıdırlar. Çünkü nə qədər uzun müddət keçirsə keçsin,hər kəs bir gün qarşısındaki insanı başa düşmək məcburiyyətində qalacaq. Övladına qayğıyla yanaşan ana, yaşlandığda verdiyi qaygını o övladından görəcək. Qısaca, həyatın güzgüsü, yaşlandıqca üzümüzə vuracaq.

Filmdə əsas obraz yaşlı ana obrazıdır. “Tənha” olan elə məhz anadır. Film səhnələrinin ayrı ayrı verilməsi izləyicidə ayrı bir maraq oyadır. Ana illər boyu öz daxilindəki tükənmişlik hisslərini övladına da həyat yoldaşına da təlqin edir.İllər sonra isə artıq tənha qalır. Hətta sadəcə onda “evdə xəstə oldugunu” xatırlayır.

“Tənha” filmi ancaq özünü düşünən,heç bir zaman qane olmayan insanların ən sonunda düşə biləcəkləri vəziyyəti izah edir. Eyni zamanda ailə içərisində valideynlərin bir zaman onların da yaşlanacağını unutmamalarını vurğulayır.